ദിശ

നിര്‍വചനങ്ങളിലും വിവരണങ്ങളിലും ഒതുങ്ങാത്ത സങ്കീര്‍ണ വിഷയമാണ് മാനസിക സംഘര്‍ഷം. മാനസിക സംഘര്‍ഷങ്ങളും മനോവ്യഥകളും അനുഭവിക്കാത്ത ഒരാളും തന്നെ ഭൂമുഖത്ത് ഉണ്ടാവുകയില്ല. പ്രായ ലിംഗ ഭേദമെന്യേ എല്ലാവരെയും പിടികൂടുന്ന മഹാരോഗം. ഒരു കൈക്കുഞ്ഞ് ഭൂമിയിലേക്ക്‌ പിറന്ന്‌ വീഴുന്നത് മുതല്‍ ഏതെങ്കിലും തരത്തിലുള്ള മാനസിക സംഘര്‍ഷത്തിന് വിധേയമാവാറുണ്ടെന്ന് മന:ശാസ്ത്ര പഠനങ്ങള്‍ വ്യക്തമാക്കുന്നു. ആധുനിക കാലഘട്ടത്തില്‍ ജീവിക്കുന്ന നമ്മെ സംബന്ധിച്ചേടത്തോളം പല കാരണങ്ങളാല്‍ മാനസിക സംഘര്‍ഷ രോഗങ്ങള്‍ അധികരിക്കുകയാണ് ചെയ്തിരിക്കുന്നത്. വര്‍ധിച്ചുവരുന്ന കുറ്റകൃത്യങ്ങള്‍, ആക്രമണങ്ങള്‍, വ്യക്തികള്‍ക്ക് നേരെയുള്ള അതിക്രമങ്ങള്‍ എല്ലാം മന:സംഘര്‍ഷം [...]

മനുഷ്യനെ മലിനനും മ്ലേച്ചനുമാക്കുന്നതില്‍ മുഖ്യപങ്കു വഹിക്കുന്ന ദു:സ്വഭാവങ്ങളിലൊന്നാണ് ദേഷ്യം. മനസ്സിനെ കോപത്തില്‍നിന്നു മോചിപ്പിക്കാന്‍ കഴിയുന്നവര്‍ വളരെ വിരളമാണ്. പലരും കൊച്ചു കൊച്ചു കാര്യങ്ങളുടെ പേരില്‍ കോപിക്കും. അതോടെ സ്വയം മറക്കും. അന്തരംഗത്ത് അമര്‍ഷത്തിന്റെ അഗ്നിപര്‍വതം പൊട്ടുന്നതോടെ അധികപേരുടെയും ആലോചനാശേഷി അസ്തമിക്കും. മസ്തിഷ്കം മരവിക്കും. വിശേഷബുദ്ധി നിഷ്ക്രിയമാകും. വിവേചനശേഷി നശിക്കും. വിവേകം വികാരത്തിന്‌ വഴി മാറും. പേപിടിച്ചവനെപ്പോലെ പുലഭ്യം പറയും. ന്യായാന്യായതകള്‍ പരിശോധിക്കാതെ പലതും പ്രവര്‍ത്തിക്കും. ഗുണ-ദോഷ വിചാരമില്ലാതെ കുഴപ്പങ്ങളും കലാപങ്ങളും കുത്തിപ്പൊക്കും. ലോകത്തുണ്ടാകുന്ന അതിക്രമങ്ങളേറെയും സംഭവിക്കുന്നത്‌ അങ്ങനെയാണ്. [...]

അബു ഹുറൈറ (റ) യില്‍ നിന്ന് നിവേദനം. അദ്ദേഹം പറഞ്ഞു: ‘ലോകാന്ത്യനാളില്‍ ഭൂമി അതിന്റെ കഴിഞ്ഞുപോയ സംഭവങ്ങള്‍ സംസാരിക്കുന്നതാകുന്നു’ എന്ന ഖുര്‍ആന്‍ വചനം നബി(സ) ഓതുകയും എന്തായിരിക്കും അതിലെ സംഭവങ്ങള്‍ എന്ന് സഹാബികളോടാരായുകയും ചെയ്തു. അവര്‍ പറഞ്ഞു: “അല്ലാഹുവിനും അവന്റെ ദൂതനും അറിയാം”. നബി(സ) വിവരിച്ചു: “അതിന്റെ മുകളില്‍ വെച്ച് ഓരോ ദാസനും ദാസിയും(മനുഷ്യര്‍) ചെയ്തതെന്തൊക്കെയെന്ന ഭൂമിയുടെ സാക്ഷ്യമായിരിക്കും അത്. ഇന്നയാള്‍ ഇന്ന ദിവസം ഇന്നയിന്നതെല്ലാം ചെയ്തുവെന്നായിരിക്കും ഭൂമിയുടെ മൊഴി”(തിര്‍മിദി). പരലോകകൊടതിയില്‍ മനുഷ്യരാസകലം ഹാജരാക്കപ്പെടുകയും ഐഹിക ജീവിതത്തില്‍ [...]