सत्य मार्गमा निमन्त्रणा

 निमन्त्रणा

सत्य मार्गमा निमन्त्रणा

सत्य मार्गमा निमन्त्रणा : केही दिन पछि वहाँलाई उनै फरिष्ताको माध्यमबाट यो निर्देशन मिल्यो कि अब तिमी उठ, मानिसलाई आखिरत (महाप्रलय) को दिनको बारेमा सचेत गराउ र उनलाई बताउ ईश्वर नै सबैभन्दा ठूला हुन्, सबै प्रशंसा उनैको लागि हो ।

यो निर्देशन मिले पछि वहाँको ध्यान मानिसलाई सत्यमार्गमा निमन्त्रणा गर्न लागे, जो व्यक्ति केही समझदार भेट्थे उसलाई आफ्नो सन्देश सुनाउँथे, त्यस बखतसम्म जति कुरआन अवतरित भएको थियो ती कुरआनको आयात सुनाउँथे, ती आयतहरु मानिसको जीवनमा केवल एक ईश्वरको उपासना तथा केवल उनैको आज्ञापालन गर्ने सन्देश दिन्थे ।

एक ईश्वरको पूजा गर्ने भन्दा त्यस समयका अरब समाजमा बिलकुल नयाँ कुरा लाग्थ्यो । उनका पूर्खा र पहिलाका पिढींहरुले कहिले पनि यस्तो कुरा सुनेका थिएनन् । उनीहरुको लागि पूर्खा र पूर्वजको मार्ग छोड्नु सबैभन्दा दुश्कर्म ठान्थे । यदि यो कुरा माने भने उनको सरदारीप्रति पनि आँच आउथ्यो र मूर्ति पूजाबाट आउने सबै आम्दानी पनि प्रभावित हुन्थ्यो । यसैले बिस्तारै बिस्तारै यसको विरोध हुन थाल्यो ।

दिन रात मुहम्मद सल्लल्लाहु अलैही वसल्लम ईश्वरसँग प्रार्थना गर्दथे, किनकि वहाँ चाहनु हुन्थ्यो कि आफ्ना खान्दान र मक्काका केही प्रशिद्ध व्यक्तिको साथ मिलोस् तर अवस्था कठिन हुँदै गयो । तिन वर्ष यसरी नै बित्यो। शान्तिसँग इस्लामको दावत दिंदै जानु भयो ।

“अरकम” को घर ती व्यक्तिहरुको केन्द्र बन्दै गयो, मानिसहरु गोप्य रुपमा इस्लाम स्वीकार गर्दै थिए, यसैगरी तिस देखि पैंतिस जना मानिसहरुले वहाँ माथि ईमान ल्याएका थिए । तिनीहरु “अरकम” घरमा लुकेर नमाज़ पढ्दथे । अल्लाहका रसूल मुहम्मद (सल्लल्लाहु अलैही वसल्लम) को समूह यसैगरी शान्तिपूर्वक अघि बढ्दै थियो ।

सत्य मार्गमा खुल्ला निमन्त्रणा (सन् 3 नवबी)

तिन वर्ष पछि अल्लाहका रसूल मुहम्मद (सल्लल्लाहु अलैही वसल्लम) लाई यो आदेश भयोः “जुन काम तपाईलाई जिम्मा दिएको छ, त्यसलाई खुल्लम खुल्ला पेश गर र मुशरिक अर्थात बहुदेववादीहरु पर्वाह नगर”

यो आयत अवतरित हुनासाथ अल्लाहका रसूल मुहम्मद (सल्लल्लाहु अलैही वसल्लम) खान ए काबामा जानु भयो र वहाँ सबैको सामने नमाज पढ्नु भयो। सबै मानिस अचम्ममा परे। उनीहरुले अल्लाहका रसूल मुहम्मद (सल्लल्लाहु अलैही वसल्लम) लाई धम्की दिन लागे। एक दिन आफ्ना खान्दानका सबै मानिसहरुलाई बोलाएर निमन्त्रणा दिनलाई खाना खाने गरी बोलाउनु भयो। तर वहाँका खान्दान मध्ये कसैले पनि वहाँलाई साथ दिने कुरामा स्वीकार गरेनन्। केवल अलीले अल्लाहका रसूल मुहम्मद (सल्लल्लाहु अलैही वसल्लम) लाई साथ दिने घोषणा गरे र अबू तालिबले आशिर्वाद दिनुभयो र संरक्षण गर्ने विश्वास दिलाउनु भयो।

सफ़ा पर्वतमा

केही दिन पछि वहाँले सफ़ा पहाडमाथि चढेर मक्कावासीलाई आवाज दिएर बोलाएर अनि मानिसहरु जम्मा भए । तब अल्लाहका रसूल मुहम्मद (सल्लल्लाहु अलैही वसल्लम) ले भने तपाईहरु मेरो बारेमा के सम्झन्छौ सच्चा या झुटो ?

मक्कावासी सबैलाई वहाँको आनी बानीको बारेमा जानकारी थियो, सबैले एक स्वरमा भनेः “हामीले कहिले पनि तपाईको मुखबाट झुटो कुरा बोलेको सुनेका छैनौं । हामी जान्दछौ कि तपाई सच्चा र आमीन(अमानतदार) हुनुहुन्छ” । त्यसपछि  अल्लाहका रसूल मुहम्मद (सल्लल्लाहु अलैही वसल्लम) ले भनेः म भन्छु कि यो पहाडको पछाडि दुश्मनको फौज लुकेका छन् के तपाईहरु मेरो कुरा मान्नु हुन्छ ?  मानिसहरुले उत्तर दिए- “हामी तिमीलाई संधै सादा र सच्चा सम्झि रहेका छौं । तिमी उच्च ठाउँमा उभिएका छौं र पहाडको उतापटीको भाग देखेको छौ जुन हामी देख्न सक्दैनौं”। अल्लाहका रसूल मुहम्मद (सल्लल्लाहु अलैही वसल्लम) ले भन्नुभयोः त म भन्दछु कि पूज्य एक हुनुहुन्छ र उनको कोही साझेदार छैनन् । मृत्यु आउनु निश्चित छ र मृत्युपछि अर्को जीवनमा ईश्वरको सामने हाजीर हुनु पर्छ । यदि यो कुरालाई मानेर जीवन व्यतीत गर्यौ भने सफलता र मुक्ति पाउने छौं तथा लोक र परलोक दुबै ठाउँमा सफल हुनेछौं अन्यथा तिमीमाथि ठूलो प्रकोप उत्रिने छ । मानिसहरु यो कुरा सुनेर धेरै क्रोधित भए । उनिहरुले भने- “के हामीलाई यसैले बोलाएको थियो, व्यर्थमा हाम्रो समय नष्ट गर्यौ।” र सबै आफ्नो आफ्नो बाटो लागे ।

नोटः बाँकी भाग हामी अर्को पोष्टमा पस्किनेछौं……………….. कमश

 

नुबुव्वत ईश दूत चयन

नुबुव्वत

नुबुव्वत ईश दूत चयन

नुबुव्वत ईश दूत चयन : १७ अगस्त सन् ६१० ई. शुक्रवारको रात थियो, त्यस समय मुहम्मद गार हिरामा बस्नु भएको थियो। त्यस ठाउँमा अचानक तेजिलो प्रकाश आयो र वहाँले आवाज सुन्नु भयो-“इकरा” अर्थात पढ। यो आवाज सुनेर मुहम्मद चकित पर्नु भयो र डराउनु भयो। मुहम्मदले डराउँदै उत्तर दिए- म अन्पढ हुँ। तर फेरी दोश्रो पटक त्यही आवाज आयो “इकरा” अर्थात पढ, फेरी त्यही जवाफ दिए, फेरी तेश्रो पटक यही शब्द आयो-

१. इक-रअ बिस्मि रब्बिकल्लजी ख़लक़

२. खलक़ल इन्सान मिन अलक़

३. इक्रअ व रब्बुकल अक्रमु

४. ल्लज़ी अल्लम बिल् कलमि

५. अल्ल मल् इन्सान मा लम् यअलम (सूरहः अल् अलक़, आयात १ देखि ५ सम्म)

अर्थः

१. (हे मुहम्मद !) पढ; आफ्नो आफ्ना पालनकर्ताको नाम लिएर जसले सिर्जना गरे,

२. सिर्जना गरे मनुष्यलाई रगतको डल्लोबाट।

३. पढ ! तिम्रा रब अति उदार छन्।

४. जसले कलमद्वारा शिक्षा प्रदान गरे।

५. मनुष्यलाई त्यो कुरा सिकाए जुन कुराको ज्ञान उसलाई थिएन ।

यो आवाज एउटा फरिष्ताको थियो, फरिष्ता त्यो ईश्वरको तर्फबाट बोली रहेको थियो जो सारा संसारको रचयिता र मनुष्यको पालनहार हुन् ।

यसरी ४० वर्षको उमेरमा ईश्वरले यो संसारमा बस्नेवाला  मानिस समक्ष आफ्नो सन्देश पुर्याउनको लागि वहाँलाई चुन्नु भयो । त्यो महान रात थियो जसमा वहाँ ईश्वरको दूत बनाउनु भयो अर्थात ईश्लरको तर्फबाट संसारवासीहरुलाई सत्य मार्गको सन्देश पुर्याउनेवाला भए । फरिश्ताको आवाज सुनेर वहाँ डराउनु भयो, एउटा अनौठो डरले हृदयमा डेरा जमायो ।  वहाँ डरले काम्दै गुफाबाट बाहिर आउनु भयो र घरमा पुगेर खदीजासँग भन्नु भयो मलाई कम्बल ओढ़ाउ । फेरी पुरा घटना सुनाएर वहाँले भन्नु भयोः मलाई आफ्नो ज्यानको खतरा भएको छ । खदीजाले सबै कुरा सुनेर वहाँलाई धैर्यता दिंदै भन्नु भयो, ईश्वरले तपाईलाई कदापि तिरस्कार गर्नु हुन्न । वहाँले कहिले पनि तपाईलाई दुःखी बनाउनु हुन्न किनकि तपाई गरिब र असाहयलाई मद्दत गर्नु हुन्छ । कमजोरलाई सहयोग गर्नु हुन्छ, पाहुनालाई आदर सम्मान गर्नु हुन्छ ।

खदीजाले वहाँलाई (श्रीमान्) आफ्नो काकाको छोरा (भाई) वरक़ा बिन नौफ़िललाई भेट्न लानु भयो । उनी धेरै ठूला ईसाई विद्वान थिए । ईश भक्तिमा लिन रहन्थे । उनले भने मुहम्मदले जुन आवाज सुने त्यो ईश्वरको फरिश्ताको आवाज हो । मूसा अलैहिस्सलामको साथमा पनि यही फरिश्ता आएका थिए अल्लाहको सन्देश लिएर आएका थिए  र ईश्वरले मुहम्मदलाई  आफ्नो ईशदूत चुन्नु भयो । यो कुरा सुन्ना साथ सबै भन्दा पहिले खदीजाले वहाँ माथि ईश्वरको दूत हुन भनेर ईमान ल्याएकी थिइन । त्यही दिन साँझ वहाँले र खदीजाले फरिश्ताले बताएको नियमानुसार वुजू गरेर दुई रकअत नमाज पढ्नु भयो।

अली र ज़ैद पनि वहाँसँगै घरमा बस्थे । उनीहरु दुई जनाले पनि ईमान ल्याए। केही दिन पछि एउटा हब्शी गुलाम बिलालले पनि वहाँलाई ईश्वरको रसूल माने र वहाँको साथि अबू बक्र पनि वहाँ माथि ईमान ल्याउने मध्ये सामेल भए । यसरी महिलामा खदीजा, पुरुषमा अबूबक्र, बच्चामा अली र गुलाममा बिलाल हब्शीले सबै भन्दा पहिले वहाँमाथि इमान त्याउने सौभाग्य प्राप्त भएको थियो। यो नै सबै भन्दा पहिलो समूह थियो जसले वहाँलाई ईशदूतको हैसियतले स्वीकार गरे ।

स्रोतः आदर्श जीवन (हज़रत मुहम्मद (स.) को पवित्र जीवनी)

लेखकः असअद इस्राईली

अनुवादकः मुहम्मद इब्राहीम

 

हज़रत मुहम्मद सल्लल्लाहु अलैहि व सल्लमको जीवनी (भाग- ७)

अन्तिम हज :- १० हिजरीमा वहाँले हज पुरा गर्नुभयो । वहाँको यस अन्तिम हजमा लगभग एकलाख चौबीस हज़ार मुस्लमान उपस्थित भए । यस हजको खुत्बा (धार्मिक उपदेश) वहाँको अन्तिम हज़ (धार्मिक उपदेश) थियो । वहाँले आफ्नो खुत्बामा आफ्नो जीवनको आखिरी अवस्था नजिक आइरहेको तर्फ पनि इशारा गर्नुभएको थियो, यसको लागि यस हजको नाम “हज्जे विदाअ” पनि भनिएको हो ।
देहान्त :- ११ हिजरीमा २९ सफ़रमा सोमबारको दिन एक जनाज़को नमाज़बाट फर्केर आइरहनु भएको थियो त्यसैबेला बाटोमा नै टाउको दुख्न लाग्यो र धेरै ज्वरो आयो। मृत्यु भन्दा पांच दिन पहिले पुर्व दिशाको सात कुवाको, सात बाल्टीन पानीले नुहाउनु भयो । यो बुधवारको दिन थियो । विहिवारको दिन तीन प्रमुख उपदेश बताउनु भयो। मृत्यु हुनुभन्दा एक दिन पहिले वहाँले चालीस गुलामहरुलाई स्वतन्त्र गर्नुभयो । सबै नकद पैसा दान गर्नु भयो । वहाँको अन्तिम दिन सोमवारको दिन थियो । यसै दिन १२ रबीउल अव्वल ११ हिजरी (अरबी महिना) नौ बजे तिरको समय वहाँ यस संसारबाट विदा हुनुभयो। इन्ना लिल्लाहि व इन्ना इलैहि राजिऊन । चन्द्रमाको तारीखको हिसाबले वहाँको उमेर ६३ बर्ष ४ दिनको थियो । खास गरि यो कुरा ध्यानमा राख्नु जरुरी छ की वहाँको नमाज़ जनाज़ा कसैले पढेनन। पटक-पटक, चार-चार जना, छ-छ जना आइशा रजि० समक्ष जान्थे र आफ्नै हिसाबले पढेर फर्किन्थे । यो तरीका हज़रत अबू बक्र रज़ि० ले मिलाउनु भएको थियो र हज़रत उमरले यसको मन्ज़ुरी गर्नुभयो र सबैले स्वीकार गरे । देहान्तको लगभग ३२ घण्टा पछि हज़रत आइशा रज़ि० को कोठामा जुन ठाउँमा वहाँको प्राण गएको थियो त्यही ठाउँमा वहाँको शब विसर्जन(दफन) गरिएको थियो । समाप्त

मुहम्मद सल्लल्लाहु अलैही वसल्लमको जीवनी- भाग-६

उहुदको लडाई :- ७ शव्वाल ३ हिजरीमा शनिवारको दिन यो लडाई भएको हो । यसै लडाईमा रसूल सल्लल्लाहु अलैहि वसल्लमको केही सहाबाले अवज्ञा गरे जसको कारणले केही समयको लागि पराजयको सामना गर्नु पर्यो र वहाँको शरीरमा चोट लाग्यो अझ त्यति मात्र होइन रसूल सल्लल्लाहु अलैहि वसल्लमको पृय काका जो धेरै पहलवान तथा बहादुर योद्धा थिए उनलाई यसै युद्धमा एक हब्सीले लुकेर बर्छा प्रहार गरेर सहिद गरिदिए साथै वहाको लाशलाई अमानविय ढंगले काटेर टुक्रा-टुक्रा बनाई दिए र एक महिला थिइन हिन्दा नामकी उसले त वहाँको कलेजो निकालेर चबाउने कोशिस गरेकी थिइन तर नसकेर पछि छुकि दिइन् । यस युद्धमा सत्तरी मुसलमान सहिद भएका थिए । तर पछि फेरी मुसलमानहरु खुब साँहसका साथ डटेर युद्ध गरिरहे फलस्वरुप विजय मुसलमानहरु नै गर्न सफल भए ।
हुदैबिय्याको सम्झौता :- ६ हिजरीमा वहाँ उमराको लागि मदीनाबाट मक्का आउनु भयो, तर काफिर(वहुदेववादी) हरुले उमरा गर्नको लागि मक्का खान ए कावामा प्रवेश गर्न दिएनन । र केही शर्तको साथ अर्को वर्ष आउनु भयो । वहाँले सो शर्तलाई मान्नुभयो र त्यसै ठाँउबाट फर्केर जानु भयो।
बादशाहहरुलाई निमन्त्रणा :- ६ हिजरी(मक्काबाट मदिना तर्फ गएको मिती देखि हिजरी सम्बत लागु भयो) मा ह्ब्शा, नजरान, अम्मान, ईरान, मिस्र, शाम, यमामा, र रुमको बादशाहलाई निमन्त्रणा र चिठी लिख्नु । हबश, नजरान, अम्मानको बादशाह इस्लाम प्रवेश गरे ।
सात हिजरी :- ७ हिजरीमा नज्दका लागि सुमामा, गस्सानका समूदाय जबला लगाएयत इस्लाममा प्रवेश गरे । खैबरको लडाई पनि यसै सालमा भयो ।
फ़तह– मक्का:- ८ हिजरीमा मक्का विजय भयो । यसको कारण ६ हिजरीमा हुदैबिय्या सन्धीको शर्त उलंघन थियो । २० रमज़ानमा मक्का शहरमा प्रवेश गरे र ऊंटमा आफ्नो पछि स्वतन्त्र गरेका थिए गुलाम हज़रत ज़ैदको छोरा उसामालाई बसाएका थिए । यस विजयमा दुईजना मुसलमान शहीद र २८ मारिए । मुहम्मद सल्लल्लाहुए अलैहिले माफ़ीको घोषणा गर्नुभयो ।
आठ हिजरी :- ८ हिजरीमा खालिद बिन वलीद, उस्मान बिन तल्हा, अमर बिन आस, अबू जेहलको छोरा ईकरमा लगायत इस्लामलाई खुब इस्लाम लिए ।
हुनैनको जंग :- मक्काको हारको बदला लिन र कसरी खुशी रख्नेको लागि शव्वाल ८ हिजरीमा चार हज़ारको लश्कर लिएर हुनैनको वादीमा जम्मा भए । मुस्लमान लश्करको तादाद बारह हज़ार थियो तर धेरै सहाबाले रसूल सल्लल्लाहु अलैहि वसल्लमलाई घृणा गरे, जसको कारणसँग पराजयको मुख देख्नु पर्यो । पछि अल्लाहको मद्दतले अवस्था सुधार गरे ।
नौ हिजरी :- यस बर्ष हज फ़र्ज़ भयो । यसैले यस बर्ष हज़रत सिद्दीक रज़ि० को कियादत (इमामत, इमाम, याने नमाज़ पढाउने व्यक्ति) सहाबाले ३०० हज गरे । फेरी हजको मौकामा हज़रत अलीले सूर : तौबा पढेर सुनाउनु भयो ।

मुहम्मद सल्लल्लाहु अलैहि वसल्लमको जीवनी भाग-५

भाग-५
हिज़रत-हबश (प्रवाश यात्रा)- यसैले वहाँले अल्लाहको आज्ञाले नबी बनाइएको पांचौ वर्ष रजब (अरबी महिना) को महीनामा पुरुष-१२ र स्त्रीहरु-४ गरेर १६ जना हब्शा तर्फ प्रस्थान गरे। यस समूहमा मुहम्मद सल्लल्लाहु अलैहि वसल्लमको ज्वाई हज़रत उस्मान र छोरी रुकय्या पनि थिइन। यस पछि अर्को बर्ष ८३ पुरुष र १८ या १९ स्त्रीहरु पनि हब्शामा प्रस्थान गर्नुभयो । Continue reading

मुहम्मद सल्लल्लाहु अलैहि वसल्लमको जीवनी भाग-४

खदीजासँग विवाह:- एक पटक हज़रत खदीजाले वहाँलाई सामान दिएर शाम सहरमा व्यापारको लागि पठाउनु भयो र साथमा आफ्नो गुलाम मैसरालाई पनि पठाउनु भयो । अल्लाहको कृपाले व्यापारमा खुब नाफा भयो । मैसराले हज़रत मुहम्मद सल्लल्लाहु अलैही वसल्लमको ईमानदारीता र राम्रो विचार देखेर धेरै खुशी भए र यस बारेमा मैसराले हज़रत खदीजासँग मैसराले हज़रत मुहम्मद सल्लल्लाहु अलैहि वसल्लमको ईमानदारीता र राम्रो विचारको बारेमा बताउनु भयो तब हज़रत खदिजाले आफैले नै विवाहको लागि हज़रत मुहम्मद सल्लल्लाहु अलैहि वसल्लम समक्ष निमन्त्रणा पठाउनु भयो । तब वहाँले आफ्नो काका अबू तालिबसँग विवाहको प्रस्ताबको बारेमा सोध्नु भयो त उहाँले विवाहको लागि अनुमति दिनुभयो । हज़रत मुहम्मद सल्लल्लाहु अलैहि वसल्लमका काका हज़रत हम्ज़ाले हज़रत खदीजाको काका अमर बिन सअदसँग आफ्नो खानदानको ठूलो व्यक्तिको हैसियतले कुराकानी गर्नु भयो र २० वटा ऊंट महर दिने शर्तमा (विवाहको समय पत्नीलाई दिईने राशि या जुन हैसियतमा हो)मा काका अबू तालिबले मन्त्र पढ्नु भयो। हज़रत खदीजाको यो तेश्रो विवाहा थियो, पहिलो विवाह अतीक नामका व्यक्तिसँग भएको थियो । जसबाट 3 बच्चा जन्मेका थिए । उनको देहान्त पछि अबू हालासँग दोश्रो विवाह भएको थियो र तेश्रो विवाह मुहम्मद सल्लल्लाहु अलैहि वसल्लमसँग भयो । त्यस बखत मुहम्मद सल्लल्लाहु अलैहि वसल्लमको उमेर 25 वर्षको थियो र खदीजाको उमेर ४० वर्ष थियो ।
गारे-हिरामा प्रार्थना:- हज़रत खदीजासँग विवाह पछि मुहम्मद सल्लल्लाहु अलैहि वसल्लमको घरेलु मामलासँग बेफ़िक्री भए। तब मुहम्मद सल्लल्लाहु अलैहि वसल्लमले पानी र सातु साथ लैजान्थे र गार हिरा पहाडको गुफ़ामा दिन-रात प्रार्थनामा लागि रहन्थे। यो गुफा मक्का शहर देखि लगभग तीन माइल टाढा छ। हज़रत खदीजा धेरै धनी थिइन यसैले मुहम्मद सल्लल्लाहु अलैहि वसल्लमको प्रार्थना, काम, ज़िन्दगीमा कहिल्यै समस्या आउन दिएनन् र न व्यापारको कारोबार रेख-देखमा खट्नु परेको थियो । वहाँलाई खानाको व्यवस्था समेत आफै गर्नु हुन्थ्यो ।
समाज-सुधार कमिटी :- गार हिराको पहाडमा प्रार्थनाको समयमा प्रभावशाली व्यक्तिको कमिटी बनाउने सल्लाह वहाँले नै दिनु भएको थियो र वहाँको नै कोशिशमा यो कमिटी बनेको थियो । यस कमिटीको उदेश्य यो थियो कि देशमा भैरहेको विकृती व विसंगती समाप्त गर्न, यात्रीको सुरक्षा गर्न र गरीवको मद्दत गर्नु यसको मुख्य उदेश्य हो ।
सादिक-आमीनको उपाधि :- जब वहाँ ३५ वर्षको हुनुभयो त्यसै समय खान-ए-काबाको निर्माण पछि हज्रे-ए-अस्वद(स्वर्गिय ढुंगा)लाई कहाँ राख्ने भन्ने विषयलाई लिएर समाजमा एक आपसमा परस्पर झगडा हुन लाग्यो। मक्काको मानिस मुहम्मद सल्ल.को शुरु देखि नै आमीन र सादिक मान्थे । वहाँले नै यस झगडालाई समाप्त पार्नु भयो र वहाँकै दुरदर्शीताको कारण मक्कामा एक धेरै ठूलो घटना हुनबाट मुक्ती पाउन सफल भयो ।
नबी बनाइएको घोषणाः- चन्द्रमाको सालको हिसाबले चालीस बर्ष एक दिनको उमेरमा अर्थात नौ रबीउल अव्वल सन् (१२ अप्रिल ६७१ ईंसवी) सोमबारको दिन वहाँमा पहिलो सन्देंश वहाँ नै अवतरित भएको थियो । त्यस समय वहाँ गारे-हिरामा हुनुहन्थो । नुबुव्वतको सूचना मिल्नासाथ नै सबैभन्दा पहिले इस्लाम कबुल गर्नेहरु खदीजा, अली, अबू बक्र, ज़ैद बिन हारसा हुन् ।
इस्लाममा निमन्त्रणा:-तीन वर्षसम्म लुकिछिपी समाजका व्यक्तिहरुलाई इस्लामको निमन्त्रणा दिनुभयो पछि खुल्लम-खुल्ला निमन्त्रणा दिन लाग्नु भयो । जहाँ कोही उभिएको वा बसेको देख्नु हुन्थ्यो या कहीं भीड देख्नु हुन्थ्यो वहाँ नै गएर निमन्त्रणा गर्न लाग्नु भयो ।
कुबामा निमन्त्रणा:- एक दिन सबै नातेदारलाई कुवामा जम्मा गर्नुभयो । सबै नै बनु हाशिम वंशका थिए । उनको संख्या लगभग चालीस थियो । उनको सामने आफ्नो भाषणमा भन्नुभयो । हज़रत अली प्रभावित भएर तुरन्तै ईमान (इस्लाम कबुल गरे) ल्याए र वहाँलाई साथ दिने प्रतिज्ञा गरे।
खुल्ला निमन्त्रणाः- मुहम्मद सल्लल्लाहु अलैहि वसल्लम खुलेआम निमन्त्रणा गर्दै “सफ़ा” पहाडमा चढेर सबै मानिसहरुलाई जम्मा गर्नुभयो र चेतावनी दिंदै भन्नुभयो मानिसलाई आखिरतको याद दिलाउँदै र नराम्रो कामबाट रोक्नु भयो । फलस्वरुप समाजका मानिसहरु आफ्नो यस निमन्त्रणा कार्यमा तगारो बन्न लागे र बिस्तारै बिस्तारै अन्याय र अत्याचारले सिमा नाग्यो । यसले गर्दा मुहम्मद सल्लल्लाहु अलैहि वसल्लमले इस्लामी मित्रहरुलाई हब्शा तिर हिजरत(प्रस्थान) गर्ने हुकुम दिए

मुहम्मद सल्ल.को धारावाहिक जीवनी भाग-3

हजुरबुबा-काकाको पालन-पोषणमा :- बुबाको मृत्यु पछि ७४ वर्षको बृद्ध हजुरबुबाले पालन पोषण गर्नु भयो। जब मुहम्मद आठ वर्षको हुनुभयो त हजुरबुबा पनि ८२ वर्षको उमेरमा बित्नु भयो । यस पछि काका “अबू तालिब” र काकी “हाला” ले पालन-पोषणको जिम्मेदारी निभाउनु भयो। नबी सल्लल्लाहु अलैहि वसल्लमको सबै भन्दा धेरै पालन-पोषण (विवाह हुने बेलासम्म) यिनै दुई जनाले गरे। यहाँ यो कुरा भन्नु उपयुक्त हुन्छ कि आमा “आमिना” र काकी “हाला” यि दुई जना एक आपसमा दाजुभाईका छोरी भएको हुनाले दिदीबहिनी हुन। वहब र वहैब दाजुभाई हुन्। वहबकी छोरी आमिना र वहैबकी छोरी हाला हुन । वहबको मृर्त्यु पछि आमिनाको पालन-पोषण काका वहैबले गर्नुभयो । वहैबले जब आमिनाको विवाह अब्दुल्लाहसँग गरे साथै आफ्नो छोरी हालाको विवाह अबू तालिबसँग गरिदिए । जब आमिनाको देहान्तको भयो त्यसपछि मुह्म्मद सल्लल्लाहु अलैहि वसल्लमको पालन पोषण वहाँको हजुरबुबा अब्दुल मुत्तलिबले गर्नु भयो । जब मुह्म्मद सल्लल्लाहु अलैहि वसल्लम आठ बर्षको हुनुभयो तब हजुरबुबाको मृत्यु भयो र त्यसपछि आमिनाको छोरा मुह्म्मद सल्लल्लाहु अलैहि वसल्लमलाई काकी हालाले पालान पोषण गर्नुभयो । तपाई अनुमान लगाउन सक्नु हुन्छ कि काका अबी तालीब र विशेष गरेर काकी हालाले मुहम्मद सल्लल्लाहु अलैहि वसल्लमको पालन पोषण कसरी इज्जतसँग गरे होलान्? एक त दिदीको छोरा सम्झेर, दोश्रा जेठानीको छोरा मानेर….।
वहाँको बचपन :- वहाँले आफ्नो बचपनमा पनि नाच गान गीत संगित र मोज मस्तिमा बिताउनु भएन त्यस किसीमका साथि बच्चासँग अलग रहनु भयो । वहाँको बचपन देखि नै धैरै शर्माउने बानी थियो रे। वहाँमा अरु बच्चाको जस्तो आदत बिल्कुल नै थिएन। शर्म र लाज वहाँ भित्र धेरै थियो। एउटा उदाहरण दिन्छु, काबा शरीफको पुनःनिर्माण समयमा वहाँ पनि दौडी-दौडी ढुंगा ल्याउने गर्दथे जसले गर्दा उनको काँधको छाला गएको थियो रे । वहाँको काका हज़रत अब्बासले ज़बरजस्ती वहाँको लुङगी खोलेर आफ्नो काँधमा राख्दा वहाँ लाज र शर्मले बेहोश हुनुभयो रे। दायी हलीमाको बच्चसँग खुब घुल-मिलका साथ खेल्थे, तर कहिले पनि लडाई-झगडा गर्नु भएन् । उनैसा नामको बच्चीसँग राम्रो मिलजुल थियो, उनको साथ धेरै खेल्दथे। दाई हलीमाकी शैमा नामकी छोरीलाई हुनैनको लडाईमा बन्दी बनाएर वहाँले ल्याउनु भएको थियो। उनले आफुलाई आफ्ना बचपनमा टोकेको ठाउँ देखाउनु भयो रे जुन त्यसबेलामा पनि काँधमा दांतको निशानी थियो रे, जुन आफ्नो बचपनमा शैमाले कुनै कुरामा रिसाएर टोक्नु भएको थियो रे।
व्यापारको शुरुआत:- वहाँको काका अबु तालीबले १२ बर्षको उमेरमा मुहम्मद सल्लल्लाहु अलैहि वसल्लमलाई आफ्नो साथ पहिलो पटक सिरीयामा व्यापारको लागि लिएर जानुभएको थियो । यस पछि स्वंय यो सिलसिला जारी रहयो । केही समय पछि हज़रत खदीजाले मुहम्मद सल्लल्लाहु अलैहि वसल्लमलाई आफ्नो खर्च दिएर व्यापारमा साथ दिन आग्रह गर्नुभयो, वहाँले पनि यो कुरा स्वीकार गर्नु भयो । हजरत खदिजाले आफ्नो मैसरा नामको गुलामलाई हजरत मुहम्मद सल्ल.को साथमा पठाउनु भयो । त्यस पटकको ब्यापारमा अगाडि भन्दा पनि धेरै फाइदा भयो रे । ब्यापारबाट फर्के पछि हज़रत खदिजाको गुलाम मैसराले मुहम्मद सल्लल्लाहु अलैहि वसल्लमको असल आचरण देखेर अति नै प्रभावित हुनुभयो र सबै कुरा वसल्लमको बारेमा हजरत खदिजासँग बताउनु भयो र यसपटक हज़रत खदिजाले वहाँलाई आफ्नो व्यापारमा साझेदार गर्नलाई प्रस्ताव राख्नुभयो र मुहम्मद सल्लल्लाहु अलैहि वसल्लमले पनि यो कुरालाई स्वीकार गर्नु भयो । यसको केही समय पछि हजरत खदिजाले आफ्नो संगिनी नफिसासँग मुहम्मद सल्लल्लाहु अलैहि वसल्लमलाई आफुसँग विवाह गर्नको लागि प्रस्ताव राख्नु भयो तब मुहम्मद सल्लल्लाहु अलैहि वसल्लमले पनि आफ्नो प्यारो काकासँग यो कुराको बारेमा जानकारी गराउनु भयो तब वहाँले पनि यस कुरालाईमुहम्मद सल्लल्लाहु अलैहि वसल्लमको सल्लाह लिएर विवाहको कुरा मञ्जुरी दिनुभयो ।

मुहम्मद सल्लल्लाहु अलैहि वसल्लमको जीवनी-भाग 2

शुभ नाम :- वहाँको जीजु बुबा अब्दुल मुत्तालिबले जन्मेको दिन नै मुहम्मद सल्लल्लाहु अलैहि वसल्लमलाई खान-ए-काबा लगेर परिक्रमा गराएर धेरै प्रार्थना गरि आशिर्वाद माग्नु भयो । सातौं दिन ऊंटको कुर्बानी(वली) दिनुभयो र कुरैशी वंशहरुलाई निम्ता गर्नुभयो र “मुह्म्मद” नाम राख्नुभयो। वहाँको आमाले सपनामा फ़रिश्ताले बताए बमोजीम “अहमद” नाम राख्नुभयो । कसैको पनि असली नाम एउटै हुन्थ्यो तर वहाँको दुई वटा नाम थियो । “मुह्म्मद” नाम सूर: फ़तह पेज: 26 को अन्तिम आयतमा उल्लेख छ र “अहमद” को उल्लेख छ सूर: सफ़्फ़ पेज: 28 आयत न० 6 मा छ ।
दुध पिउने समय:- जीवन कहानीको किताबमा लेखिएको छ कि वहाँले आठ महिलाको दुध पिउनु भएको छ भनेर । अब हेरौ क-कस्को दुध पिउनु भएको रहेछ (1) वहाँको आमा आमिना (2) अबू लहब की नौकरानी सुवैबिया (3) खौला (4) सादिया (5) आतिका (6) आतिका (7) आतिका (यि तिनजनाको नाम एउटै थियो) (8) दाई हलीमा सादिया र उनकी आमाको दुध लगभग एक सप्ताह र यत्तिकै समय सुवैबियाले दूध पियाइन । यस पछि दाई हलीमा सादियाको काखमा जानुभयो र बाँकी पाँच जना दुध पियाउने वालाको बारेमा पूर्ण जानकारी हुन सकेन ।
पालन–पोषण :- लग-भग एक महिनाको आयुमा पालन-पोषणको लागि दाई हलीमाको देख-रेखमा सुम्पिएको थियो । वहाँ चार-पांच वर्षसम्म उनकै साथ रहे । पछि जब मजदुरीको लागि आउँथिन तो साथमा मुहम्मद सल्ल. लाई पनि लिएर आउँथिन् र आमालाई देखाएर फिर्ता लिएर जान्थिन् ।
बुबाको स्वर्गरोहण:- वहाँको बुबा अब्दुल्लाहको विवाह भएको देश शाम (सिरीया) व्यापारको लागि गएका गएका थिए वहाँबाट फर्किदा खजूर खरिद गरेर मदीना शरीफमा आफ्नी हजुरआमा सल्माको घरमा बसेका थिए र त्यहीँ बीमारी भएर एक महीना पछि 26 वर्षको उमेरमा देहान्त भयो र मदीना मै उनको शवलाई दफन(सदगत) गरिदिए । धेरै सुन्दर युवक थिए । जति राम्रा थिए उत्तिनै राम्रो बानी व्यहोराका पनि थिए । “फ़ातिमा” नामकी एक महिला वहाँसँग प्रेममा लिन भइन र ती यति प्रेम डुबिन कि आफैले 100 ऊट दिएर आफुसँग (संभोग) गर्न ईच्छा गरिन तर वहाँले, यस्तो भनेर जवाफ दिए कि “हराम कारी गर्नु भन्दा मर्नु बेस हो”। जब उनको इन्तिकाल भयो । वहाँ सल्लल्लाहु अलैहि वसल्लम आमाको पेटमा नै थिए ।
आमाको स्वर्गरोहण :- आमाको स्वर्गरोहणको कहानी धेरै अचम्म छ । जब वहाँको पतिसँग विछोडको पीडामा डुबेकी थिईन त उनको कब्रस्थानको दर्शनको लागि मदीना जानुभयो र वास्तवमा अरुसँग माईत जान्छु भनेकी थिईन । उनको माईती मदीनाको कबीला बनू नज्जार वंशका थिए। आफ्ना नौकरानी उम्मे ऐमन र बेटे मुह्म्मद (सल्लल्लाहु अलैहि वसल्लम) लाई लिएर मदीनामा बनू नज्जारको दारुन्नाबिगामा जानुभयो र पतिको कब्रस्थानको दर्शन गर्नुभयो र जब फिर्ता हुनेबेलामा पतिको विछोडको चिन्ताले यति गहिरो चोट लाग्यो कि वासस्थानसम्म पुग्दा-नपुग्दै बाटैमा उनको देहान्त भयो। पछि उम्मे ऐमनले मुहम्मद सल्लल्लाहु अलैहि वसल्लमलाई लिएर मक्का आइन।

मुहम्मद सल्ल. को धारावाहिक जीवन कहानी भाग-१

                   भारतको पश्चिम दिशाको समुन्द्र किनारमा अवस्थित छ अरब देश । यो सम्पूर्ण विश्वको पावन धर्तिमा हर युगमा ईशदूत आई नै रहे । विश्वको केन्द्र विन्दुमा रहेको छ साउदी अरबको मक्का शहर ।  यही अरबको मक्का शहरमा ईश्वरको पवित्रघर पनि छ जुन हज्जारौं बर्ष पहिले हजरत इब्राहीम अलैहिस्सलामले मानवहरुलाई एक ईश्वरको पूजाको लागि आमन्त्रण गर्न निर्माण गर्नुभएको थियो । मानिसहरु आफ्नो ईश्वरलाई भूलेर अनेकौं देवी देवताको पूजामा लागेका थिए । समाजमा ब्यभिचार, झूठ, बलात्कार, रक्सी, जुवा, ब्याजको कारोवारमा लागेका थिए । एक अर्कालाई लुटपिट काटमार गर्दथे । तर अल्लाहको कृपाले सम्पूर्ण संसारका मानवहरुका मार्गदर्शनका लागि मुह्म्मदुर्रसूलुल्लाह सल्लल्लाहु अलैहि वसल्लम त्यही अरबको रेगिस्थानमा अरबको एक प्रतिष्ठत बनुहासीमको वंशमा पैदा गराउनु भयो । अब हेरौं वहाँको वंशावलीहरुको सम्पूर्ण तथ्य विवरण वहाँ कसरी कुन वंशमा जन्मिनु भयो र कसरी वहाँले विश्वका मानवलाई एकेस्वरवादको तर्फ मार्गदर्शन गराउनु भयो ।

                      हसब-नसब (वंश) {बुबाको तर्फ़बाट} :- मुह्म्मदुर्रसूलुल्लाह सल्लल्लाहु अलैहि वसल्लम बिन (१) अब्दुल्लाह बिन (२) अब्दुल मुत्तलिब बिन (३) हाशम बिन (४) अब्दे मुनाफ़ बिन (५) कुसय्य बिन (६) किलाब बिन (७) मुर्रा बिन (८) क-अब बिन (९) लुवय्य बिन (१०) गालिब बिन (११) फ़हर बिन (१९) मालिक बिन (१३) नज़्र बिन (१४) कनाना बिन (१५) खुज़ैमा बिन (१६) मुदरिका बिन(१७) इलयास बिन (१८) मु-ज़र बिन (१९) नज़ार बिन (२०) मअद बिन (२१) अदनान……(५१) शीस बिन (५२) आदम अलैहिस्सल्लाम। { यहां “बिन” को मतलब “सुपुत्र” या “Son Of” हो } अदनान भन्दा अघिको रुखको (हाँगा) मा ठूलो मतभेद छ। नबी करीम सल्लल्लाहु अलैहि वसल्लम नै “अदनान” का सन्तानबाट हुनुहुन्छ भनेर मन्सूबले भन्नुभएको थियो भन्ने प्रमाण हदिसबाट मिल्छ ।

                हसब-नसब (वंश) {आमाको तर्फबाट} :- मुह्म्मदुर्रसूलुल्लाह सल्लल्लाहु अलैहि वसल्लम बिन (१) आमिना बिन्त (२) वहब बिन (३) हाशिम बिन (४) अब्दे मुनाफ़…………………। आमाको वंशको नाम तेश्रो पुश्तामा वहाँको बुबाको बंशको नामसंग मिल्न जान्छ । पूर्खाहरुको केही नाम :- बुबाको नाम अब्दुल्लाह र आमाको नाम आमिना। काकाको नाम अबू तालिब र काकीको हाला। हजुरबुबाको नाम अब्दुल मुत्तलिब, हजुरआमाको नाम फातिमा। मामाको घरको हजुरबुबाको नाम वहब, र हजुरआमाको नाम बर्रा। जीजुबुबाको नाम हाशिम र जीजुमुमाको नाम सलमा।

                जन्म:- मुहम्मद सल्लल्लाहु अलैहि वसल्लमको जन्म नौ रबीउल अव्वल अर्थात आमुल फ़ीलको पचास दिन पछि (अब्रहाको खान-ए-काबामा आक्रमणको पचास दिन पछि) ईसवीं २२ अप्रिल ५७१, सोमवारको (Before Sunrise) दिन भएको भन्ने भनाई छ ।

                शुभ नाम:- वहाँको जीजु बुबा अब्दुल मुत्तालिबले जन्मेको दिन नै मुहम्मद सल्लल्लाहु अलैहि वसल्लमलाई खान-ए-काबा लगेर परिक्रमा गराएर धेरै प्रार्थना गरि आशिर्वाद माग्नु भयो । सातौं दिन ऊंटको कुर्बानी(वली) दिनुभयो र कुरैशी वंशहरुलाई निम्ता गर्नुभयो र “मुह्म्मद” नाम राख्नुभयो। वहाँको आमाले सपनामा फ़रिश्ताले बताए बमोजीम “अहमद” नाम राख्नुभयो । कसैको पनि असली नाम एउटै हुन्थ्यो तर वहाँको दुई वटा नाम थियो । “मुह्म्मद” नाम सूर: फ़तह पेज: २६ को अन्तिम आयतमा उल्लेख छ र “अहमद” को उल्लेख छ सूर: सफ़्फ़ पेज: २८ आयत न० ७ मा छ ।

                दुध पिउने समय:- जीवन कहानीको किताबमा लेखिएको छ कि वहाँले आठ महिलाको दुध पिउनु भएको छ भनेर । अब हेरौ क-कस्को दुध पिउनु भएको रहेछ (१) वहाँको आमा आमिना (२) अबू लहब की नौकरानी सुवैबिया (३) खौला (४) सादिया (४) आतिका (५) आतिका (६) आतिका (यि तिनजनाको नाम एउटै थियो) (७) दाई हलीमा सादिया र उनकी आमाको दुध लगभग एक सप्ताह र यत्तिकै समय सुवैबियाले दूध पियाइन । यस पछि दाई हलीमा सादियाको काखमा जानुभयो र बाँकी पाँच जना दुध पियाउने वालाको बारेमा पूर्ण जानकारी हुन सकेन ।

               पालन–पोषण:- लग-भग एक महिनाको आयुमा पालन-पोषणको लागि दाई हलीमाको देख-रेखमा सुम्पिएको थियो । वहाँ चार-पांच वर्षसम्म उनकै साथ रहे । पछि जब मजदुरीको लागि आउँथिन तो साथमा मुहम्मद सल्ल.लाई पनि लिएर आउँथिन् र आमालाई देखाएर फिर्ता लिएर जान्थिन् ।

            बुबाको स्वर्गरोहण:- वहाँको बुबा अब्दुल्लाहको विवाह भएको देश शाम (सिरीया) व्यापारको लागि गएका गएका थिए वहाँबाट फर्किदा खजूर खरिद गरेर मदीना शरीफमा आफ्नी हजुरआमा सल्माको घरमा बसेका थिए र त्यहीँ बीमारी भएर एक महीना पछि २६ वर्षको उमेरमा देहान्त भयो र मदीना मै उनको शवलाई दफन(सदगत) गरिदिए । धेरै सुन्दर युवक थिए । जति राम्रा थिए उत्तिनै राम्रो बानी व्यहोराका पनि थिए । “फ़ातिमा” नामकी एक महिला वहाँसँग प्रेममा लिन भइन र ती यति प्रेम डुबिन कि आफैले १०० ऊट दिएर आफुसँग (संभोग) गराउन ईच्छा गरिन तर वहाँले, यस्तो भनेर जवाफ दिनुभयो “ गलत काम गर्नु भन्दा मर्नु बेस हो ” । जब उनको इन्तिकाल भयो । वहाँ सल्लल्लाहु अलैहि वसल्लम आमाको पेटमा नै थिए ।

मुहम्मदुर्रसूलुल्लाह (सल्लल्लाहु अलैही वसल्लम) को वंशावली तथा जीवनी

अल्लाहले आफ्नो आखिरी नबी, मुह्म्मदुर्रसूलुल्लाह सल्लल्लाहु अलैहि वसल्लम मार्फत आफ्नो आखिरी सन्देश कुरआन शरीफ़ अवतरण गर्नुभयो। कुरआन शरीफ़ जुन सारा मानवजातिको लागि अवतरण भएको हो, जुन दया र पुण्यप्राप्तिको किताब हो । यदि पाईलाई एक मुसलमानको जिन्दगी कस्तो हुन्छ हेर्न चाहनुहुन्छ भने तपाई एक नबीको मुह्म्मदुर्रसूलुल्लाह सल्लल्लाहु अलैहि वसल्लमको ज़िन्दगीबाट राम्रो उदाहरण अरु केही छैन । आज हामी उनको जीवनको एक संक्षिप्त परिचय पढ्छौं…..

हसब-नसब (वंश) {बुबाको तर्फ़बाट} :- मुह्म्मदुर्रसूलुल्लाह सल्लल्लाहु अलैहि वसल्लम बिन (1) अब्दुल्लाह बिन (2) अब्दुल मुत्तलिब बिन (3) हाशम बिन (4) अब्दे मुनाफ़ बिन (5) कुसय्य बिन (6) किलाब बिन (7) मुर्रा बिन (8) क-अब बिन (9) लुवय्य बिन (10) गालिब बिन (11) फ़हर बिन (12) मालिक बिन (13) नज़्र बिन (14) कनाना बिन (15) खुज़ैमा बिन (16) मुदरिका बिन (17) इलयास बिन (18) मु-ज़र बिन (19) नज़ार बिन (20) मअद बिन (21) अदनान……………………(51) शीस बिन (52) आदम अलैहिस्सल्लाम। { यहां “बिन” को मतलब “सुपुत्र” या “Son Of” हो }अदनान भन्दा अघिको रुखको (हाँगा) मा ठूलो मतभेद छ। नबी करीम सल्लल्लाहु अलैहि वसल्लम नै “अदनान” का सन्तानबाट हुनुहुन्छ भनेर मन्सूबले भन्नुभएको थियो भन्ने प्रमाण हदिसबाट मिल्छ । Continue reading