ਨਿਜਾਤ ਦੀ ਓਵਰ

ਤਾਰੀਫ਼ ਤੇ ਸ਼ੁਕਰ ਉਸ ਰੱਬ ਲਿਈ ਹੈ, ਜਿਸ ਨੇ ਸਾਨੂੰ ਪੈਦਾ ਕੀਤਾ, ਅਕਲ ਤੇ ਸੂਝ- ਬੂਝ ਦਿੱਤੀ। ਚੰਗੇ ਮੰਦੇ ਨੂੰ ਪਛਾਣਨ ਦੀ ਸਮਝ ਦਿੱਤੀ ।ਸਾਡੀ ਹਦਾਇਤ ਤੇ ਅਗਵਾਈ ਲਿਈ ਆਪਣੇ ਬਿਹਤਰੀਨ ਬੰਦਿਆਂ ਨੂੰ ਭੇਜਿਆ ਅਤੇ ਸਲਾਮ ਹੋਵੇ ਰੱਬ ਦੇ ਉਨ੍ਹਾਂ ਨੇਕ ਬੰਦਿਆਂ ‘ਤੇ ਜਿਨ੍ਹਾਂ ਨੇ ਆਦਮ ਦੀ ਔਲਾਦ ਨੂੰ ਆਦਮੀਅਤ ਦੀ ਸਿੱਖਿਆ ਦਿੱਤੀ। ਭਲੇ ਮਾਨਸਾਂ ਵਾਂਗ ਰਹਿਣਾ ਸਿਖਾਇਆ। ਮਨੁੱਖੀ ਜੀਵਨ ਦੇ ਅਸਲ ਉਦੇਸ਼ ਤੋਂ ਉਨ੍ਹਾਂ ਨੂੰ ਜਾਣ ਕਰਾਇਆ। ਉਹ ਅਸੂਲ ਉਨ੍ਹਾਂ ਨੂੰ ਦੱਸੇ, ਜਿਨ੍ਹਾਂ ਅਨੁਸਾਰ ਚਲ ਕੇ ਉਹ ਦੁਨੀਆਂ ਵਿੱਚ ਸੁਖ ਤੇ ਆਖ਼ਰਤ ਵਿੱਚ ਮੁਕਤੀ ਪ੍ਰਾਪਤ ਕਰ ਸਕਦੇ ਹਨ।

        ਭਰਾਵੋ ਤੇ ਭੈਣੋ  !ਇਹ ਦੁਨੀਆਂ ਜਿਸ ਰੱਬ ਨੇ ਬਣਾਈ ਹੈ ਅਤੇ ਜਿਸ ਨੇ ਇਸ ਧਰਤੀ ਦਾ ਫ਼ਰਸ਼ ਵਿਛਾ ਕੇ ਇਸ ਉੱਤੇ ਮਨੂੱਖਾਂ ਨੂੰ ਵਸਾਇਆ ਹੈ, ਉਹ ਕੋਈ ਅੰਨ੍ਹੇਵਾਹ ਅਤੇ ਵਿਅਰਥ ਕੰਮ ਕਰਨ ਵਾਲਾ ਰੱਬ ਨਹੀਂ ਹੈ । ਉਹ ਚੌਪਟ ਰਾਜਾ ਨਹੀਂ ਹੈ ਕਿ ਉਸ ਦੀ ਨਗਰੀ ਹਨੇਰੀ ਹੋਵੇ, ਉਹ ਅਪਣੇ ਪੱਕੇ ਕਾਨੂੰਨ, ਪੱਕੇ ਨਿਯਮ ਅਤੇ ਮਜ਼ਬੂਤ ਕਾਇਦੇ ਰੱਖਦਾ ਹੈ। ਜਿਨ੍ਹਾਂ ਅਨੁਸਾਰ ਉਹ ਇਸ ਸਾਰੇ ਜੱਗ ‘ਤੇ ਖ਼ੁਦਾਈ ਕਰ ਰਿਹਾ ਹੈ। ਉਸ ਦੇ ਕਾਨੂੰਨ ਨਾਲ ਜਿਵੇਂ ਚੰਨ,ਸੂਰਜ, ਧਰਤੀ ਅਤੇ ਤਾਰੇ ਬੱਝੇ ਹੋਏ ਹਨ, ਜਿਵੇਂ ਹਵਾ,ਪਾਣੀ, ਰੁੱਖ ਤੇ ਪਸ਼ੂ ਬੱਝੇ ਹੋਵੇ ਹਨ। ਉਵੇ ਹੀ ਅਸੀਂ ਤੁਸੀਂ ਸਾਰੇ ਮਨੁੱਖ ਵੀ ਬੱਝੇ ਹੋਵੇ ਹਾਂ। ਉਸ ਦਾ ਕਾਨੂੰਨ ਜਿਵੇਂ ਸਾਡੇ ਜਨਮ ਤੇ ਮੌਤ ਉੱਤੇ, ਸਾਡੇ ਬਚਪਨ, ਜਵਾਨੀ ਤੇ ਬਢਾਪੇ ‘ਤੇ, ਸਾਡੇ ਸਵਾਂਸਾਂ ਦੀ ਆਵਾਜਾਈ ਤੇ, ਸਾਡੀ ਪਾਚਨ-ਸ਼ਕਤੀ ਅਤੇ ਖ਼ੂਨ ਦੇ ਸੰਚਾਲਨ ਅਤੇ ਸਾਡੀ ਬਿਮਾਰੀ ‘ਤੇ ਤੰਦਰੁਸਤੀ ਉੱਤੇ ਬੇ-ਲਾਗ ਤੇ ਅਟਲ ਢੰਗ ਨਾਲ ਲਾਗੂ ਹੈ, ।

This entry was posted on Sunday, April 22nd, 2012 at 8:52 am and is filed under ਇਸ਼੍ਵਰ ਦੀ ਪਹਚਾਨ. You can follow any responses to this entry through the RSS 2.0 feed. You can leave a response, or trackback from your own site.