இஸ்லாமிய நிலையம்; குவைத் தமிழ்ப் பிரிவு சார்பாக 14.12.2012 அன்று வெள்ளிக்கிழமை மாலை 04.30 மணி அளவில் குவைத் மஸ்ஜித் கபீர் வளாக> அல்-ஃபாரிஸ் அரங்கத்தில் ஹலால் உணவு விழிப்பு உணர்வு கருத்தரங்கம் நடைபெற்றது. சகோ. ஜேம்ஸ் (எ) ஷம்சுதீன், திருக் குர்ஆன் வசனங்களையும் அதன் தமிழாக்கத்தையும் ஓதினார். நிகழ்ச்சிக்கு இஸ்லாமிய நிலைய – தலைமையக> அழைப்புப் பிரிவு சார்ந்த அஷ்ஷெய்க் ஃபவாஸ் அல்-துவைஜ் அவர்கள் தலைமை வகித்தார். தனது உரையில் “தாராளமயமாக்கலால் இயந்திரமயமாகிவிட்ட இன்றைய அவசர உலகில்,ஹலால் உணவின் உன்னதப் பயன்களை மக்கள் தெரிந்து கொள்ள வேண்டியது காலத்தின் கட்டாயம்” என்று குறிப்பிட்டார்.இஸ்லாமிய நிலையம்; குவைத்>தமிழ்ப் பிரிவு பொறுப்பாளரும், வசந்தம் தமிழ் மாத இதழ் ஆசிரியருமான மு.அ.அப்துல் முஸவ்விர் அவர்கள் தனது அறிமுகவுரையில் இஸ்லாமிய நிலைய பணிச்சேவைகள் குறித்தும்> தமிழ் அமைப்புக்கள் பொது நீரோட்டத்தில் இணைந்து செயல்பட வேண்டியதன் அவசியத்தையும் வலியுறுத்தி உரையாற்றினார்.

சpறப்பு விருந்தினராகக் கலந்துகொண்ட சிங்கப்பூரைச் சேரந்தவரும் -ஹலால் இந்தியா நிறுவன தலைமை நிர்வாக அலுவலர், CEO -வான சகோ.முஹம்மத் ஜின்னா, M.S.c., ’ஹலால்’ – (ஆகுமான உணவு) உலக மக்களுக்கான உன்னத உணவு” எனும் தலைப்பில் காணொளிக் காட்சியுடன் கூடிய சிறப்புரை ஆற்றி மக்களைக் கட்டிப் போட்டார்.நிகழ்ச்சியை ஏற்பாடு செய்த நெட் அசீவர்ஸ் ஃபோரம்- அமைப்பின் சார்பாக சகோ.இக்ராம் தவ்ஃபீக் அவர்கள் அமைப்பின் பள்ளிப் பாசறை திட்டம் குறித்து காணொளிக் காட்சியுடன் கூடிய விளக்கமும்> மற்றொரு ஏற்பாட்டாளரான குவைத்வாழ் கூனிமேடு மக்கள் நலக்கழகத்தின் சார்பாக சகோ. ஷாஜஹான் அவர்கள் தமது அமைப்பின் சேவைகள் குறித்தும் உரை ஆற்றினர்.

சகோ.அமானுல்லாஹ் அவர்களின் நன்றியுரையுடன் விழா இனிதே முடிவுற்றது.புகழனைத்தும் இறைவனுக்கே..!